Cös'o l'é e comme o veddo in
zeneize?
Istruzioni in
italiano - Instrucciones en español
Skype
o te permette de telefonâ e fâ chat insemme a gente de tutto o mondo.
Pe poei dêuviâlo in zeneize, tocca aveighe primma o programma
instalou, e pöi o file pe vedilo in zeneize, za che l'òriginâle o
no l'includde. (Quello file zeneize no bezeugna arvilo, o s'istaliâ
da drento a Skype).
Ina
vòtta che ti aviæ scaregou Skype da-o seu scito e che ti l'aviæ
istalou, scarega o zeneize da chi, arvi Skype e amia o menû
"Strumenti", ch'o gh'à -fra e
òpsioin de lengoa- quella d'azonzighene unn-a neuva co-in file (sotta a
tutto o listin). Çerni o file Ligurian (Zeneize)_ 5.10.0.116_20120927_ inta cartella dove ti l'æ
scaregou e acetta afinché e paròlle se cangjan in zeneize. Tutto pronto!
(Tegni
conto do fæto che çerte cöse che Skype o fa vedde in ingleize ò inta
lengoa do pòsto donde ti te coleghi no l'é stæto poscibile traduile in
zeneize, quindi fintanto che no gh'aviemo de verscioin ciù neuve no ghe saiâ
ninte da fâ.)
(Gh'é anche da savei che se dòppo avei caregou o file zeneize o Skype o
torna a arvise inte 'n'atra lengoa inte sescioin sucescive, tocca
caregaghelo ancon ina vòtta inte òpsioin de lengoa.)
(In scê questa pagina do forum de traduçioin de Skype, gh'é a verscion ciù vegia: 5.1.0.112.)
Comm'o fonsionn-a?
Se
no ti gh'æ ancon in account, scareghite o programma e registrite co-in
nomme Skype e ina paròlla d'ordine.
Dòppo
quello ti poriæ za çercâ de personn-e into registro e azonzile a-o teu
listin pe incomensâ a ciaciarâ.
Inte
chat e inte telefonæ ti poriæ dêuviâ anche o video, pe fate vedde co-a
teu camera e vedde i teu amixi da-o vivo mentre ti parli ò scrivi. E se
ti veu ciamâ telefoni e telefonin de tutto o mondo, bezeugna che ti
t'acatti do credito Skype, ch'o no scazze mai, e ch'o l'é ben ciù
conveniente che ciamâ co-i telefoni normali, coscì da poei parlâ de ciù e risparmiâ in muggio de dinæ.
MOZILLA FIREFOX: o navegatô inta lengoa nòstra!
Graçie
a l'amigo Alessio oua poemo andâ in scê Internet anche in zeneize. E
ghe n'é senpre de ciù, perché da no goæi a nòstra lengoa a fa parte de
Mozilla, e quindi se peu DESCAREGÂ O FIREFOX e istalalo diretamente in zeneize, sensa pensâ a deuviâ di conplementi!
VIXITA A PAGINA DEDICÂ A QUESTO PROGRAMMA DA DEUVIÂ IN ZENEIZE:
OPERA: in atro navegatô inta lengoa nòstra!
VIXITA A PAGINA:
FLASH MOVIE PLAYER
Flash
Movie Player o l'é 'n programma sencio ch'o riproduxe video e
animaçioin Flash (SFW).
Pe inpostalo in zeneize, ti devi andâ a "Mostra", a segonda categoria
do menû in çimma a-o barcon do programma, intrâ inti Òpsioin e çerne Ligurian (Zeneize)
fra e inpostaçioin internaçionali. Acetta, speta perché o programma o
doviâ
arvise torna e, dòppo quello, tutto o saiâ za in zeneize.
Questo chi
o serve a conprimme e desconprimme ògni tipo de files; saieiva a dî
che ti poriæ arvî de cartelle conpresse e anche conprimme di files ti mæximo se ti
veu per ezenpio inviane varri insemme pe e-mail.
Pe creâ i teu pròppi files PDF e sarvâ di documenti con paròlle
d'ordine.
Notepad++
o serviâ a chi se dedica a l'informatica. O l'é 'n editô de còdice
sorgente ch'o fonsionn-a con diversci lengoaggi. O l'adeuvia
Windows, o l'é scrito inte C++ e o gh'à o conponente Scintilla.
Graçie
a-o travaggio de l'amigo Riccardo, oua l'é disponibile anche o plug-in
pe poei scrive con tutti i acenti quande se çerne de rescciaî a
prononsia de paròlle inta grafia ofiçiâ. Basta vixitâ questo scito pe
saveine de ciù e pe scaregase o plug-in zeneize 'grafia ofiçiâ' pe-o Notepad++.
Página
de inicio · Pagina
d’iniçio
© GENOVES.com.ar
SCAREGÂ SKYPE 
